02-07-2008, 12:45 AM
|
 | مشرفة النادي العام
صانعوا العقول ______________
| | |  | |
 عندما تمــــوت الصــــداقه !
بسم الله الرحمن الرحيم ... السلام عليكم ورحمة الله وبركاته ... موضوع غريب نوعا ما .. أول موضوع أكتبه و ما أكون مخططه له من فتره و مرتبه أفكاري ..ألخ موضوع يعبر عن مشاعري حاليا .. موضوع ممكن يكون عبره لأحد فيكم !! ما أعرف بالضبط شنو الهدف من هالموضوع .. بس اللي أعرفه إن هالقسم و هالنادي الأقرب لقلبي و أنا أكتب هالموضوع .. ضاقت الدنيا فيني و لا عندي مكان أرتاح فيه و أفرغ اللي فيني إلا هني ^___^ الموضوع عن { الصداقه } ... كلنا نسمع أن الصداقه شئ جميل .. الصديق عند الضيق ..ألخ لكن ماذا يحدث عندما تنتهي الصداقه ؟؟ ماذا يحدث عندما يخبرك صديقك بأن تنساه ؟؟ و أن يتخلا عنك ؟ و يظلمك ؟؟؟؟ هل للصداقه سلبياتها ؟؟ و مضارها ؟؟ ماذا تفعل ؟ و بماذا تشعر عندما تصلك رساله من صديقك مشابهه لهذه ؟؟ ياربي شقول اقول رفيجت عمري باعتني وتخلت عني ونستني بسهوله وبعد كل هذا تبيني اكون معها وموجوده ومثل ما اهي تغيرت تبيني وانا بعد وما اتغير بس انا حاولت اني اكون معاج وطول هالفتره صبرت عليج اذا اهي تخلت انا ماراح اتخلى عنها وتحلمت اشياء كثيره بس شنو الفايده اذا انتي ما تبيني
قام ((بريتني)) بإرسال 01/07/2008 05:24 م: بس ما توقعت يجي يوم وانجرح منج انا اشوف ان الصداقه الحقيقية ان الصديق يحب صديقه اكثر من نفسه ويفكر فيه قبل نفسه ويكون بينهم ايثار
قام ((بريتني)) بإرسال 01/07/2008 05:25 م: وعلى العموم غلطتي اني تحملت وسكت المفروض من اول جرح انسحب منج ولا اخليج تجرحين فيني اكثر من جذي انتي كان دايما عذرج اني مو ما اقولج اللي بخاطري وحاولت اتفهمج واماشيج وقلت واشوف شنو راح يفرق عندج بس لا سف قعدت تعدين غلطتج الف مرة بس تدرين انتي اصلا تعرفين كل شي بس تحبين تسمعين مني علشان يرضى غرورج وكبريائج انا ما ادري ليش اقول هالكلام المفروض ما اقوله لان ما له داعي او بالاحرى ماله فايده معاج
قام ((بريتني)) بإرسال 01/07/2008 05:25 م: كنت دايما اشوفج مثال للصداقه الحقيقية وثقتي فيج ثقه عمياء ومن بعد امي الغاليه تجين انتي من بعدها ويشهد علي ربي اني عزيتج واغليتج واخلصتلج من كل قلبي وكنت مستعده اعطيج عمري اللي راح واللي يجي لج هديه بدون تفكيري ((ترى هذا مو شعر اصلا انا ما اعرف اقول هالكلام اللي يقولونه اللي بقلبي على لساني كنت مستعده اتخلى عن أي علشان صديقة دربي لانها تستاهل
قام ((بريتني)) بإرسال 01/07/2008 05:25 م: بس خساره الحق مو عليج الحق علي انا لو اعتبرج شخص عادي كان ماصاراللي صارغلطت عمري وقاعده ادفع ثمنها الحين مو هينه صديقتج اللي بالنسبه لج كل شي تخذلج تتخلى عنج
قام ((بريتني)) بإرسال 01/07/2008 05:27 م: شوفي لا تفكرين اني اقول هالكلام اني اقصد فيه شي او ابي ارجع اللي بينا او انج تترجيني او من هالافكار السخيفه اللي تفكريني فيها
قام ((بريتني)) بإرسال 01/07/2008 05:27 م: والله انا ما قلت هالكلام بس علشان ما تجين بعدين وتلومني وتقولين ليش ما اكلمج وارد عليج
قام ((بريتني)) بإرسال 01/07/2008 05:27 م: صحيح انا للحين اغليج ومكانج مثل ما هو بس انتي كسرتي شي فيني راح انسى مثل ما نسيتيني بس مو بسهوله مثلج لان اللي يحب من كل قلبه صعب ينسى بسهوله
قام ((بريتني)) بإرسال 01/07/2008 05:28 م: ولاتخافين انا الحين ما ابي منج شي اتمنى اني ما اشوفج ولاحتى اسمع فيج وحتى رقمي امسحي يالله انتي عندج واجد امسحي وحده ماراح اتاثر بس بالنسبه بالميل ماراح اقول امسحيني منج لانه اصلا ماراح ادخله تدرين ليش لان هالاميل سويته علشان وحده
وما ابي أي شي يذكرني فيها راح استخدم ايميل ثاني اوقات نطر نترك اللي نحبهم لما يبدون يألمونا علمتيني شي ان لما احب احب بحدود اخلص بحدود واثق بحدود ولاابني شي على شي يمكن بعدين يطلع ولا شي مشوار الم والجرح اظن لازم ينتهي انا تعبت وحان الوقت اللي انسىقام ((بريتني)) بإرسال 01/07/2008 05:29 م: كل شي راح اتخطاه والحياه ماشيه هذي حال الدنيا ومثل ما كنت قبل افرح لفرحج وقبل لا تتألمين كنت اتالم قبلج ويمكن اكثر منج وزعلج زعلي بس انا ما تمناه لج غير كل خير وسعاده هذا اخر كلام تسمعينا مني ارتاحيقام ((بريتني)) بإرسال 01/07/2008 05:29 م: وياليت انا بعد ماسمع منج شي تمنياتي بالتوفيق والنجاح فمان الله | كلام قوي صــح ؟؟ ^^ يب قوي لمى يجي من أحد قريب منك و تسميه صديق عمرك و أكثر من 8 سنوات أنت وياه صداقه .. و الأمر من كل هذا .. لمى يكون هالكلام ظلم لك و الظالم ما يبي يسمع منك شي ^^"" ما يعطيك فرصه تدافع عن نفسك و تشرح موقفك .. و يفكر فيك بالسوء ..ألخ يا ترى شالي أنهى هذه الصداقه ؟؟ اللي واضح فيها أن الصديقه اللي أرسلت الرساله تحب صديقتها الثانيه أكثر من نفسها و دايما تضحي على شانها .. شاللي خلاها .. تقول لصديقتها اللي تحبها اتركيني ؟؟ السبب هو .. ( من الحب ما قتل ) ( و بف باف تقولكم من الحب ما فرق XD ) و ( الشي إذا زاد عن حده انقلب ضده ) .. أقدر أقول .. إن هالإنسانه حبت صديقتها و اهتمت فيها زياده عن اللزوم و قامت توكلها و هي تجوع وتخاف عليها من كل شي ... و تغار عليها من الكل و تمنعها عن الكل و حتى النت و النادي ما ودها تشوفها تدخلهم لأنها تعتقد إن أصدقائها اللي بالنت راح يخطفونها منها ._."" و حتى صديقاتها الحقيقيين .. تغااار منهم ما تحب تشوف صديقتها مع أحد .. بدت تخنقها .. و بدت تحاسبها على الصغيره و الكبيره ... و بدت المشاكل كل يوم تكبر على أسباب تافهه .. ألخ الى أن صار هالحب و هالصداقه ... مستــــحيل أنها تكمل .. هنـــي الإنســان لازم .. يفكر .. أن العدل زين .. و أن الحـــب مالازم يزيد عن حده على شان لا تفقد الشخص اللي أنت تحبه .. و الأهم من هذا ... لمى تحب شخص و تصادق شخص أحرص على أن ما تحبه بجنون .. على شان لمى تفارقه و ينتهي كل شي بينكم ما تنتهي أنت وراه XD صـــداقتي اليــــوم مـــاتت مع هالأنسانه .. ^___^ حبيتها و عشت معاها أحلا سنين عمري .. لكن تخلت عني ولا عادت تفهمني و الأمر و الأدهى ظلمتني .. حطيت هالموضوع مثل ما قلت عن الصدقه لكن بطريقه مختلفه .. بمعنى ثاني الآثار السلبيه للصداقه و المضار اللي نكسبها من الصداقه .. و الأهم من كل هذا .. الحدود اللي لازم تكون بين كل صديق و صديقه ^_^ ماأبي حلوول من أحد .. و لا أبي أحد يشفق علي .. أو يلومني ..ألخ اللي حطيته مجرد مثال يدعم و يوصل فكرتي اللي حبيت أقولها و أوصلها لكل من يفهمني .. فقط
+ أنفس عن نفسي و أسرد تجربه مريت فيها و شعور غريب أحس فيه لا أكثر لا أكثر .. أتمنــــى .. تكون صديقتي مرتاحه بقرارها .. هالموضوع إهداء الى صــديقتي ::. شـــو شـــو <<< لقبت نفسها بهاللقب حبا فيني يا سبحـــان الله :( و السلام عليكم ورحمة الله وبركاته ...   |