صور بنات المنتدى ( ارجو الدخول للذين يبون يضحكون )؟!

بسم الله الرحمن الرحيم ...
هذا الموضوع من اساسه وجد للمزاح ولا يحمل اي نوع من الضغينه فقط للضحك فلا يزعل احد مني او من الذين اقترحو وع رد على موضوع الاخت كايري بس هي حطت فكره رائعه و احنى نبي نقلدها :) يعني لا تشيلون هم ابد
الرجاء من القراء قرائة الكتابه الحمراء و حفظها و اكلها اذا امكن ذلك ))>

تبدأ الرحله يا اخوان من عند منزل كايري و الذي عندما اخبرناها بالموضوع ( انا و انمي كلوب و الجاثوم )تحول شعرها الى الابيض و قعدة تشفط سقاير من الخوف من مصيرها بس ما كانت تدري ان احنى جايبين الكيمره معانه عشان نصورها على طول و هي غير متوقعه فجات صوره ولا اروع صحيح ان خذنى ضربه بالعصا مالتها بس الصوره تستاهل ولا انتوا اشرايكم شوفوها

بعد ما اخذنى صورتها طبعاً طردتنى لانه ما تقدر تستحمل اكثر من جذي رحنى شفنى في الطريج الاخت mary-kate اول ما شافت الكيمره ربطت العبايه و راحت تجري ما شاء الله عليها اسرع منى احنى كل واحد منه مكرش وحالته حاله ما قدرنى نلحقها فاخذنى لها صوره و اهيى تركض ( وهي اكيد تتمنت ان الشباب ما يشوفون صورهم اذا كانت تدري انه بيصيبها هذا الموقف)


و احنى نمشي تعبانين كل واحد منه يترنح على الثاني مر علينى باص عاد هذا الباص كان مكتوب عليه جامعة .... للدراسات الاسلاميه قلنى عيل اكيد HAKU بتون داخله واحد منه تظاهر انه مغمى عليه من التعب في نصف الشارع و الثاني قاعد يحاول يقومه على اساس ان الباص يوقف وهم يسوون هذه التمثيليه قمت انا احوس على الباص ادور على هاكو وربعي يقولون بسرعه يا هاكوو ( يدلعوني ) عاد هي عسبالها ينادونها طلعت وجها من الشباك ولا اشوفها و تشوفني وبمجرد ما ارفع الكيمره كانت تبي تغطي وجها فجات الصوره نصف نصف بس احسن من ولا شيء ولو ان راعي الباص كان فزعه جيه يبي ياخذ الفلم مال الكيمره ( ما يدري انها كيمره ديجيتال ) حقهم بس راضيناه بقوطي كيمه فنسى السالفه وهذه الصوره


عاد بعد هذه السالفه متنى من الجوع مووت خاصه انه راعي الباص التيس خذ منى قوطي الكيمه غدانى شفنى محل على الجمب نبي ناخذ منه اكل كان محل مخلوط يبيع كل شيء حلويات على عقود علا ما ادري وشو بس المهم تفاجئنا لما شفنى البياعه كانت MONY قلنى خلي نصوره وهي ما تدري لانه كانت مستعده للهروب في اي لحضه منى و احنى بروحنى مافينى شده و نصورها و نشرد وهي مشغوله مع الزبائن و المشكله انه كان زحمه يعني ما كنى نقدر نطلب اكل ولا بنقعد سنه لين ما يجينى الاكل وهذه الصوره


قلنى مالنى غير انه نمر على اقرب بيت وهو بيت Dana و هاياما بعدين الله يصبرنى على الاكل اول ما ندق الباب تجينى دانه و تغصبنى ندش ولا الجاثوم فضحنى بطنه قاعد يقرقع من الجوع الاخت درت انه احنى جواعه حلفت علينى انه نتغدى عندها غصب ولا بتزعل منى ( ما تدري انه جايين نصورها ) ^^ وهي تطبخ الاكل ما شاء الله عليها طباخه عطيناها صوره معتبره وهي ما تدري بعدين مرينى على احدى الغرف ولا الاخت هاياما قاعده تصلي قلنى ما نبي نزعحها بعد حرام خذينالها صوره على السريع و كلنى من طباخ يد دانه و شكرناها و طلعنى بسرعه قبل ما تدري عن السالفه




و احى طالعين من بيت دانه نضحك نشوف وحده شايله جره من حديد تقول صوروني صوروني قلنالها ما نبي نصورك غصب قالت ايه ولا بحذف الجره الحديد عليكم صورناها بالغصب و فرحنى لما درينة انها الاخت black-roseca و طبعاً ما عطيناها عين لان عيونها كانت بارده لما شافتنى فكسرنى الشر (!)) وهذه صورتها ( طبعاً كانت تبي تحطم الرقم القياسي في حمل الاثقال) ^^



و احنى ماشين ندور على باقي البنات والاخوات ولا شفنى الاخت ديما 13 تبي تدخل المدرسه مالتها وشايله فوق راسها سله مليااااانه موز تبي تدخلها المدرسه ماخذتها حق الطالبات ( ما ادري متأثره بالتنس ولا عندهى سبلان داخل ::) ) وطبعاً الموز كان برعاية شركة بيبسي لانه المدرسه خاصه ما يعطون الطالبات شيء .... عاد الله يجزاها خير قامت و عطت كل واحد على موزه نحلي فيها و بالمقابل عطيناها صوره وهي ما تدري )((
وهذه صورتها


وكنى خلاص نبي نخلص رحلتنى ندور على آخر ضحيتين الاولى كانت سوسو (ساره) يحليلها اهلها طاردينها من البيت وصخت الاطوف مالتهم قامت ترسم على الارض و احنى ما صدقنى بعد صورناها هي و التحفه مالتها وهذه هي الصوره


وبعدين سار المغرب وكان القمر بيطلع ولا شفنى الاخت نور القمر وصورناها بسرعه قبل ما يطلعن نور القمر على غروب الشمس وطلعت صورها يازينها و الشيء الجميل انها الوحيده التي تقبلت الموضوع بروح رياضيه ;)



وبهذه الصوره نكون انهينى رحلتنى المثيره و المشوقه و كان ودي اكمل بس ما نبي نمصخ السالفه تحيتن مني انا الهاك و الجاثوم و انمي كلوب الرواد في هذه المغامره

و آآسف يالبنات اذا كنت بالغت في حدودي او زوتها اكثر من اللازم و اقلكم انا عجينه في يدكم لو تبون تعجنوني يعني سوو فيني الذي تبون لو كنت غلطان ~H او حد زعلان مني و ترى الصور اخترتها بعنايه ولا كان في صور ما تنشاف احسن ::)

كاتب الرسالة الأصلية : MARY-kate الحمد لله إن الصور ما يطلعون عندي على فكره كان غيرك أشطر وإنت عارف قصدي وعاشت كايري وإنشالله الصور ما يطلعون عندي ههههها