~دوري اكسانمياوه ~

بناء على طلب الاعضاء و حبهم للمسابقات فقلت اسوي هذه المسابقه ( كنا مسوينها من قبل ) ان شاء الله يصير في تفاعل و تعجبكم ^-^

اسم اللعبه ( اكسانمياوه ) !!

بالتفصيل ( اكس ) + ( انمي ) + ( اوه ) اتوقع توضحت الصوره شويه (^o^)

~فكرة اللعبه~

بكل اختصار عباره عن تنافس عضوين من خلال دوري يعتمد بشكل اساسي على
( معلوماتك الانميه + السرعه في الرد )

~قواعد اللعب ~

راح يكون الدوري عباره عن 10 اعضاء و راح اقبل بتسجيل اول 10 متسابقين لا اكثر
( اسفه بس علشان الوقت + الجهد و انا شخص واحد فراح يكون تعب علي)

و راح تكون اللعبه عباره عن تحدي في لعبه ال (O - X ) لكن عن طريق طرح لأسئله متعلقه بالانمي و الي يجاوب اسرع له الحق بختيار مكان العلامه .

~توضيع اكثر ~

لنفترض بعد ما سجلال10 اعضاء اسمائهم و بدينا مرحله المنافسه و كانت المباراة الاولي بين
(دريمر و دارك دول ) <--- لازم هم اول الضحايا X3

هذا هو مربع او حلبه المنافسه الي متكون من 9 خانات



و راح اطرح انا السؤال ( في موعد محدد راح نتفق عليه ) و الاسرع بين الثنتين في الاجابه راح يحق له ان يختار الخانه .

و نفرض ان دريمر كانت الاسرع و اجابتها صح ..و اختارت خانه رقم 5 و بعدين طرحت انا السؤال و فازت دارك دول و اختارة خانه رقم 9

راح تصير الصوره بهذا الشكل ..




و تستمر المنافسه و طرح الاسئله لما يفوز طرف منهم
( اكيد تعرفون شلون لما يصير خط كامل )


* شروط و قوانين *

راح يتم تحديد وقت معين للمباريات بالاضافه اني ادز رساله خاصه للطرفين علشان ما يكون عندهم عذر ( و حتي لو لسبب من الاسباب ما قدرت اني ادز المفروض انت تكون داري بموعد مباراتك )

اذا لم يتواجد العضوين راح يعتبرون خاسرين

في حالة بدء المباراة لا يحق لاي شخص ان يرد !! فقط المتسابقين المعنين .

لما اطرح السؤال لكل عضو اجابه واحده فقط لا غير ! و اذا جاوب الاول و كانت غلط يمنح للعضو الثاني وقت علشان يجاوب و اذا جاوب غلط او ما عرف يحق للعضو الاول ان يجاوب
( لكن بعد ما انا اسمح له )

في حاله ان العضوين ما عرفو الحل راح اغير السؤال .

في حاله التعادل و عدم فوز اي عضو على الاخر تعاد المباراة مره اخرى لكن بعد الانتهاء من باقي الاعضاء .

اتمنى ان عجبتكم الفكره ! و ان شاء الله راح تحرك قسم الانمي و يصير كله نشاط x نشاط ^ه^

الحين راح اقبل بأول 10اعضاء ( باب التسجيل انفتح ) لا تطولون نبي نخلي المسابقه حماسيه !!

و هذا الموضوع راح يكون فقط للتسجيل + الاستفسارات الدوري راح يكون بموضوع مستقل ^ه^