 |  | |
 |  | |
 |  | |
 |  |
       |
|
| |||||||||||||||||||||
| ¤ نــادي المــــرح ¤ [ حيث ينسى الأعضاء أنفسهم وننسى المشاركات ، فالعداد هنا متوقف ] |
| مواقع النشر (المفضلة) |
 |
| | LinkBack | أدوات الموضوع | انواع عرض الموضوع |
14-07-2006, 05:07 AM
| ||||||
| ||||||
| قصة قريتها مرة تضحك قصه و احد خبله و يه الجن هلااااااااااااااااااااااااااااااع كخ كخ كخ كخ <<< خلص الديزل كان يا ما كان في سالف العصر والعنوان اني معزوم عند ناس توني متعرف على ولدهم بعد مباراة النصر والهلال يوم يفوز النصر ثلاثة صفر ويسجل ماجد عبدالله هدفين ومحيسن الجمعان هدف . طبعا بتقولون وشلون تعرفت علية وعزمك .... كنت اشوف مباراة في المقهى <<< يقدس المعسل المووهيم مع الزعاق والحقرصة والدحوسة في الدكة اللي جالس فيها من الظهر خايف ان الناس يحجزونها ..وخبركم مباراة النصر والهلال والمقاهي قليلة ذيك الايام انواع الزحمة بعض الاماكن تصير محجوزة من صباح الله خير مع شرقة الشمس << بسم الله على الشمس من الشرقة .. اللي جنبي جاي من الساعة 2 الظهر تقريبا ( حسب ما قالة لا تقولون كذاب) وانا حاجز الدكة الساعة 3 العصر بعد ما شبعت نومة . المهم تعارفنا وصرنا اصدقاء .. يوم جاء العشاء وبدت المباراه قلت يا خي النصر بياكل الهلال اليوم قال لا اتحداك <<< وي صار الاخ هلالي وانا من الظهرية اسولف معه !!!! المهم تحدينا بعض على عشاء ( ياليتني ما تحديته ) فاز النصر .. قال خلاص وكان معه عيال عمه حلفو اني اتعشى معهم يوم الاثنين الجاي في حفر الباطن !!! طبعا انا ما اعرف حفر الباطن ولا ادل وينها فيه المووهيم سألت خويي المطيري قال الله جابك نروح سواء انت توصلني للحفر أسلم على عيال عمي واذا تعشيت نرجع جميع . قلت حلو حلو خوي في الطريق بدل لا اروح لحالي . وصلنا الحفر دقيت على الرجال بيجر من بيت خويي بالحفر ورد علي ووصف لي المكان .. المووهيم صار الموقع اللي بيتعشون فية مخيم خارج الحفر بمسافة 100 كيلو تقريبا حاطين علامات .. دخلت انا وخشتي بالددقسن وفرفرة ساعتين تقريبا .. يوم وصلت الساعة 8 العشاء وانا اللي ادخل واسلم عليهم وانا خجول ما اعرف شكل المفاطيح حدي شاورما ابو ريالين واذا تهورت صبة بدون بيض ... جلست بينهم هذا يشعر وهذا يغني وهذا يقصص سواليف نزلو المفاطيح تعشينا على الساعة 10 بالليل .. المووهيم قلت ابمشى اكرمكم الله وركبت دقسني ومشيت .. وانا اقول يالله ذي البلشة ظلمة وفي البر وعساني ادل طريق خويي علشان يرجعني للرياض ( طبعا معي في السيارة في المرتبه الخلفية اكل يكفيني اسبوع لو ضعت ) وفاتح القزازه على بالي اشم الهواء الطبيعي ومشغل اغاني ماجدة الرومي بعد ساعه من ممشاي الا وشوي احس بطقطقة في القزازة الورانية انا من الروعه التفت لقيت شي اسود يطقطق القزازة خفت قلت ايوووووووووووووووووووووووووووووووووووة الجني ي ي ي ي ي ي . وانا اللي ادعس واشوف ذا الجني يخابط يمين ويسار وانا انواع الخوف وارقل ل ل ل ل ل ما فية سورة من القران من استحضرتها وقريتها ايووووووووووووووووووي وي وش ذا الجني اللزقة معه مضاد حيوي ولا وش السالفة وااااااااااااااااااع وانا اللي اطامر في ذي الطعوس ويروح يمين والجسم ماسك في العراوي اللي ورى ويصرخ فهددددددددددددددددددد فهددددددددددددددددددددد هدي بسم الله عليك هد بسم الله عليككككككككك قلت الجني ذا ملكع ولا يستعبط يا نعنبو ابليسه واااااااااااااااااااااااااع وانواع السرعة والمطامر في ذا البر ابي الفكة يوم التفت الا اشوف شعر راس الجني ابيض وااااااااااااااااااااااااااع اول مرة يجيني صدمه مثل كذا شوي غرزززززززززززززززززززززز الموووووووووترررررررررر وانا اللي اطقها بتسوووووووووووووووووووووووووووه واااااااااااااااااااااااااااااااااع ابي انحاش ابي بيتنا لو اروح ركض .............وانزل من السيارة واركض واهوجس ياليتني ماخذ شوي من الاكل يوم افطس في الطريق وااااااااااااااااااااااع ............ شوي اسمع الجني ينادي فهد بسم الله عليك تعوذ من الشيطان يا نعنباك وش فيك .......... قلت في نفسي وي طلعت جنية انثى مو ذكر وااااااااااااااااااااع يا ويلي ما سيطرنا على حريم الانس نصيطر على حريم الجن واااااااااااااااااااع ....... ركضت مسافة عشرين متر والدنيا صارت ظلما وانا اللي ازاعق من الخبال عز الله يا فهوودي رحت وطئ .. شوي اجتمعت قواي قلت خلاص ابروح وانا اقرا اية الكرسي والله ان شاء الله بينصرني << داخل حرب . رحت يم الدقسن وانا اقرا اية الكرسي والمعوذات والظاهر سمعت كتاب التوحيد والفقة والتجويد في نفس الوقت وانا اشوف ذي الجنية اللي منسدحة تقول الله يغربلك وش سويت فيني يا فهدددد يوم قربت قلت وش تبين من انتي هاه هاه هاه <<< من الروعة كررتها عشر مرات .... قالت يا ولدي يوم تعشيت حسيت اني تعيبانه وقلت ارتاح في موترك لين تقول يالله بنمشي ايوووووووووووووووووووووووووووووووووووووووووووووووو وووووووووووووووووووووووووووووووووووووووووووووة قلت من تبين انتي .............. قالت انت مو فهد ولدي !!!!!!!!!!!!!!!!!!!!!!!!!!!!!!!!!!!!!!!!!!!!!!! شعر راسي وقف مبسوووووووووووووووووووط قلت الله ياخذ شياطنتس يا خالة وربي روعتيني احسبتي جني ....... قالت لي جني يجني روحك قل امين كسرت عظيماتي وتقول جني ودني عند ولدي فهددددددد صارت العجوز ام واحد من اللي كنت متعشي عندهم وركبت دقسني تحسبة دقصن ولدها فهد !!!! جلست ازين الموتر ابطلعه من الغراز اللي مدري وشلون صار و رجعتها انا اللي اسدحها جنب المخيم واكلمم الجماعه واقول تراني ما دريت مسكر القزازة وانا مسرع ما دريت انها راكبة معي الا يوم طقت القزاز ما حبيت اقول تراني ارتعت احسبها جنية علشان ما يقولون الذرووووووووووووووووووق مشكلة بعدين هع هع هع منقووووووووووووووووووووووووووووووووووووووووووووووو وووول      |
| مواقع ننصح بزيارتها |
|
« الموضوع السابق
|
الموضوع التالي »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 10:34 AM.
Developed by A.C.A Network © AnimesClub Copyright © 2003 - 2009, A.C.A |