شرح كود الـ Crc وكيفية الحصول عليه وفائدتة

احب أقول فى البداية لو أنى تحدثت بطريقة نمطية اظن ما راح أحد يتابع الشرح لذا قرر أخوى وحبيبى سحاب مساعدتى فى ها الموضوع

الموضوع فى البداية يتناول مفهوم معنى شرح الـCRC وفى النهاية يوجد برنامج تستطيع الحصول به على الـCRC

نبتدأ

رعد السماء: كيف حالك حبيبى ابو السحب عامل أيه؟

سحاب: تمام الحمد لله أنت أيه أخبارك؟

رعد السماء: أنا ميه ميه تعالى بقى ندخل فى المهم وسيبك من السلامات والأشواق والأحضان بعدين يله بينا نبتدى فتح عينيك معايه وأدينى ودنك

سحاب : من أوله كده ماشى ياعم أنا مفتح عينية أهو وودنى معاك كمان

رعد السماء: بص يا سيدى أحنا النهاردة عايزين نعرف حاجه أسمها CRC ده عبارة عن أيه الـ CRC ده بيوضع بحلقات الأنمى المترجم

بالجروبات الأجنبية طب ليه وهو عبارة عن أيه وفايدته أيه ؟

سحاب: أنت بتسألنى أنا مش أنت إللى هتقول ( ايه ياعم الراجل ده دماغة تعبانه وله مفوته يله أمرنا إلى الله بنستمع أليه )

رعد السماء: براحه على حبيبى أنا راح أقولك نمسك حاجه حاجة من الأول وهنشرحها بالتفصيل المصمص الممل

سحاب: الله يخليك يا حبيبى يا رعودى يا منورنى ( ههههههههه تفصيل مصمص ممل نهاردنا أبيض أن شاء الله خخخخخخ ) قول قول يا نجم قول

رعد السماء: بص أولاً الـ CRC هو أختصار لــ cyclic redundancy check

تقدر تقول معناه بالعربى فحص العطل الدورى

سحاب: ماشى معاك بس بردك ما فهمتش حاجه
رعد السماء: أسكت خالص وما تقطعنيش فى الكلام ماشى وإلا والله أنا مش ناقص مناهدة خليك معاى على الخط علشان نعرف نكمل لسه أدمنا مشوار

طويل

سحاب: حاضر يا غالى ( جرررررررررررر والله لو طلت رقبته لكنت عصرتها بيدى بس نقول أيه بقى ) أكمل حبيبى ما راح أقطعك تانى

رعد السماء: ماشى يا حبى نكمل طب يعنى أيه cyclic redundancy check وما هى فائدته هممم راح أقول لك هو نوع من

أنواع وظائف الهاش نقف هنا بقى شوية ابو السحب راح يسألنى ويقول أيه هو معنى وظائف الهاش يا رعودى أرد عليه وأقول له أحم أحم

الهاش ده تقدر تقول عليه بالبلدى كده أنت لما بيكون فيه حاجه متخزنة على الجهاز بيكون ليها بصمة مثل بصمة الأصبع هذا يطلق عليه هاش وبيكون فى

صورة رموز ارقام أو حروف حيث الهاش ده زى ما تقول بياخد صورة البيانات للحاجه المخزنة وبيعمل لها بصمة أصبع بتكون مميزة بها عن غيرها زى

الأنسان تمام كل أنسان له بصمة أصبع مختلفة بردك الهاش بقى بيكون بصمة الأصبع للبيانات علشان تميز بها عن الأخرى

حلو الكلام كده عرفت يعنى أيه هاش

سحاب : همم حلوه زى بصمات أصابع الأنسان تشبية رائع ( أحنا رايحين نسرق وله أيه بصمات أيه ياعم ) ماشى كلامك وصلت المعلومة أكمل

أشجينى يا فتى

رعد السماء: الحمد لله أنك فهمت ( ربنا يستر ويكون فهم بجد شكله كده واكل فول على الصبح ومش عارف حاجه فى أى حاجه يله ربنا يستر)

نكمل بقى يا غالى قولنا أن الـ CRC نوع من أنواع عمليات وظائف الهاش طيب بتعمل أيه دوال الهاش قلنا الكلام ده فوق بيستخدم الهاش علشان يعمل checksum نقف هنا تانى ( سحاب تلاقيه عمال يقول فى باله الله يخربيتك يا رعد أيه المصطلحات ده كلها ههههههه ) نقول بقى

يعنى أيه checksum هو عبارة عن صورة من صور فحص الأعطال إلى هى الـ redundancy check وهو عبارة عن مقياس بسيط جداً من أجل حماية مكونات البيانات عن طريق فحص الأخطاء التى توجد فى البيانات أثناء عملية أرسالها عبر الأنترنت او نسخ من وإلى الجهاز

يعنى أيه بردك بص يا سيدى أحنا قولنا فى البداية أن الهاش مثل بصمة الأصبع تمام الـ CRC هو عبارة انواع وظائف الهاش الهاش ده بيعمل حاجه

أسمها checksum
checksum
وقولنا معناه فوق دلوقتى نقول معناه بالبلدى ده يا سيدى انه عبارة عن مقياس بيطلع رقم بيكون كود للبيانات الموجوده عندك يعنى أنت عندك حلقة أنمى

على الجهاز وعمله ليها الـ CRC وبكده أتعمل لها الكود إلى بتضعة بأسم الحلقة الكود ده هو بصمة الأصبع للحلقة وهو ال checksum

بيفيدك فى أيه دلوقتى أنت حملت الحلقة بس طلعت ناقصة تعرف أزاى تعرف عن طريق كود الـ CRC بأنك تشوف الحلقة عندك هل هى فعلاً لها نفس

الكود للحلقة من المصدر الرئيسى أم لا تمام
ده أول فايدة الفايدة الثانية أنك تتأكد أنك فعلاً حصلت على نفس الحلقة وان الحلقة تم رفعها بصورة صحيحة وأنك تحصلت عليها من المصدر صحيح
يعنى نقول تانى علشان أنا عرفك يا سحاب دماغك حلو جداً وبتستوعب بسرعة علشان كده راح أقول لك تانى

الـ checksum

فايدته أيه بيأكد بأنه لم يحدث أخطاء أثناء عملية نقل البيانات أو تخزينها تمام

سحاب: تمام (هههههههههه والله يعتبر ما فهمت حاجه الكلام كله تخين ومكعبر على دماغى الصغيرة الله يسامحك يا رعد الله يخدك يا رعد )

رعد السماء: مممممم مش عارف ليه عندى أحساس أنك ما فهمت شىء والله أعلم طب بص أنا دلوقتى هجبلك المفيد فى سطرين انا شرحت فوق بالتفصيل الممل دلوقتى الأنجاز والملخص المفيد

سحاب : أيوه كده يا رعودى يا حبيبى يا مفهمنى يا منورنى يا معلمنى قول قول وانا وياك

رعد السماء: بص الـ CRC هو عبار عن كود مكون من أرقام وحروف فيه برامج بتستخلصة من أى ملف مخزن على الجهاز سواء فلم ملف كتابة أو أغنية أى حاجه تمام الكود ده فايدته بأنه بيكون مثل بصمة الأاصبع للحاجه يعنى لو الحلقة أتغير حجمها راح يتغير الكود بتاعها إلى هو الـ CRC

لذا الناس بيحطوا الكود ده فى حلقات الأنمى علشان يتم التأكد من ضمان وصول الحلقة الصحيحة للناس علشان الكود ده أستحالة يتغير
يعنى انت أفرض مثلاً واحد ضحك عليك وأداك ملف تورنت وقال لك الحلقة ده حلقة ون بيس بالعربى من ADC-Arab مثلاً وهو كداب يا سيدى طب أنت تتأكد أزاى
الواد أداك الحلقة رقم 275 بتروح تشوف رقم الـ CRC للحلقة إلى الواد أعطاها لك عن طريق برنامج سنشرحة الآن وبتطلع كود الـ CRC إلى هو بصمة الصوبع بتاع الحلقة وتروح تشوف فريق ADC-Arab كانت الحلقة عندهم الكود بتاعها أيه طلع هو هو نفس الكود يبقى فعلاً مؤكد ميه فى الميه أن الحلقة ده هى هى نفسها الحلقة بتاعت ADC-Arab فهمت كده
يعنى الـ CRC هو وسيلة لمنع حدوث الأخطاء فى عمليات نقل البيانات وللتأكد من وصولها صحيحه تمام كده لذا يفضل وضع كود الـ CRC فى حلقات الأنمى أثناء توزيعها

سحاب: يعنى أنا فهمت شوية دلوقتى مع أنى مش قادر أستوعب كل الكلام بس تقدر تقول أن أنا فهمت

رعد السماء: فهمت أيه يا سحاب ؟

سحاب: فهمت ان الـ CRC ده وجع دماغ ومش له لازمة أن أنا أصدع دماغى بيه ولا أقرف نفسى أنا ايه إلى جبنى هنا أساساً

رعد السماء : أتصدق أن أنا غلطان أن شرحت لك فايدته ومعناه ماشى يا سحاب مش هنساها ليك

سحاب : تنساها وله ما تنسهاش يا عم روح روح بالـ CRC بتاعك ده وبصمات الصوابع وأحنا مالنا يا عم ومال الحاجات ده

رعد السماء: أنا مش قلت ليك يا سحاب مغيم انه بيفيدك فى عملية منع حدوث الأخطاء أثناء نقل البيانات عايز أيه أكثر من كده كفاية عليك السطر ده

أظن أن مفيش أسهل من كده ( جرررررر شكلى كده راح أسحق برعد ساحق منى ربنا يريحنى منك يا سحاب وياخدنى يارب وأستريح منك )

سحاب: ماشى ياعم كمل انا معاك فهمت أشرح بقى البرنامج خلينا نخلص

رعد السماء: أنا والله لولا الناس المحترمة إلى بتقرأ فى الموضوع كان زمانى بطلت شرح من زمان بس حسابى معاك بعدين بعد الموضوع يا سحاب أحنا مش هنروح سوا يا حبيبى ههههههههه (نيهاهاهاهاهاهاهاها راح أنتقم منه )

سحاب: ^^" ها بتقول أيه مش سامع اه كنا بنتكلم عن شرح البرنامج إلى بيستخلص كود الـ CRC اشرحه بقى لينا

رعد السماء: حاضر يا سيدى نشرح البرنامج

شرح برنامج الـ CRC32Finder ده برنامج بيفوم بأستخلاص الـ CRC من أى ملف كل البرنامج بالمرفقات كل ما عليك هو أن تفتح

البرنامج

بتضغط على Add File كما بالصورة وبتختار الملف إلى أنت بتريد أستخلاص كود الـCRC له




تمام بتشاهد أن البرنامج بيقعد يستخلص فى كود الـ CRC علشان يطلعه لينا بيقعد يعد بالنسبة المئويه كما فى الصورة




تمام بعد كده لما يخلص راح يظهر لك كود الـ CRC بالبرنامج كما بالصورة فعليك بالضغط على Copy CRC32 حتى تقوم بنسخ الكود

ثم بتروح على الحلقة أو الملف وبتضع الكود بها عن طريق أمر لصق Paste إلى موجود بالكليك يمين تمام كما بالصورة



هاهو البرنامج لتحميله منا هنا

http://www.animesclub.com/vb/uploade...1157012871.zip

أو من التربو أبلود من هنا

http://d.turboupload.com/d/937169/CR...lsam2.zip.html

او من موقع مخزن من هنا

http://www.m5zn.com/download3.php?fi...929deb653d.zip

او تحميل مباشر من هنا

http://adc-arab.info/CRC_finder_r3delsam2.zip




تمام كده أنت تحصلت على كود الـ CRC وبكده أنهينا الموضوع اليوم وتوته توته خلصت الحدوته