::المقـــابلة الرابـــعة (zato1)::

المقابلة الرابعة ...

وعليكم السلام ورحمة الله وبركاته

اخونا زاتو 1 شو رايك بنفسك ؟؟

اوووووه انا انسان فريد من نوعي ومتميز اه هاهاهاها فديتني ( خقاق ع الآخر )

اه هاهاهاها

زين انه محد دخل لين الحين خلوني اول اعدل عمري واتكشخ حق التحقيق والتكفيخ ..

وما عليكم ما بعترف ولا بشي صامدون حتى النهايه

اه هاهاهاها

3

2

1


ابدأ

وعليكم السلام والرحمه
يعطيكي العافيه كاتووو
لوووول زاتو اه ها ها ها ها << خخ بتنضرب
اول سؤال استعد احم احم
ابتسامتك فريده من نوعها انت اخترعتها وايش قصتها ؟؟
2- ليه ماتدخل شات المنتدى؟؟
3-اكثر عضو تعجبك شخصيته با المنتدى؟؟
4-حكمتك با النت؟؟
وكفايا كذا لليوم + جاوب لا تقاوم

زاتووووووووووووووو

*ترمي عرشها في الوسط وتجلس عليه وتاخذ الورقة الطويلة من عند سداح وتسوي كوبي بست من المقابلة الثالثة* >> لوول

منسوخ كما هو مكتوب = ="
.
المهم
باقي الأسئلة

1. أنت عضو نادر وشخصيتك نادرة و حلوة .. وها اللي يخليك أحد شخصيات سيلين المفضلة بل ومن الأفضل من المفضلة لذيها .. فما شعورك وتعليلك وبرايك شو اللي خلى سيلين تخليك أحد أفضل الأفاضل عندها؟! >> لوول

2. قلت لي أفضل لون لك وعشقك وروحك وقلبك وفداك اللون الأسود .. ليش ؟!!

3. لو طلب منك أن تعمل موضوع مشترك مع أحد الكتاب في النادي .. من تختار ؟! وليش !!

.
وصبر علي بضلي وبمطر عليك أسئلة زياااااااااااادة
.
سيلين

السلام عليكم ورحمة الله وبركاته

اهلا استاذ زاتو .. ^_^ حياك الله في المقابله

وعندي كم سؤال ..

1) شو هي النوعيه المفضله لك من الشخصيات في الانمي ؟؟ من ناحية اشكالهم وشخصيتهم ؟؟

2) متى قمت بتأليف شخصية "فارس العرب" ؟ وهل فكرت بالقصة وبالشخصيات الثانويه ولا مافي تطور !؟

3) ماهي أكثر الأمور التي تزعجك في المنتدى بشكل عام ؟


ان شاء الله ما كانت اسئله ثقيله وان شاء الله لي عوده

والسلام عليكم

بسم الله الرحمن الرحيم..

السلام عليكم ورحمه الله وبركاته...

لوووول زيتو..<< حاسه انها بتروح فيها...زاتو1...

أهلا..في كرسي الأعتراف...

بوهااااااا بوهااااااا...*تطالع نظرات شريرة..*

نطب في التحقيق..

1_ منذ تسجيلك بالمنتدى..هل كان هناك طموح ..كنت تريد أن تصل إليه..وعندم ترى مبتدئين في الرسم هل تتحمس

انك تتابع باقي رسومهم وتشهد تطورهم ..؟؟ <<وش طول السؤال.*+*"

=======================================

2_ يمر المنتدى بتطورات كثير..وش أكثر..ستايل أعجبك..؟؟


===============================

3_ مارأيك برسوماتي..<<من زين رسمك..خخخ.؟؟

يلا اجب على أسئله وإلا سوف يتم القبض عليك..^_^::

سيّد لقدام..خخ دغري..

جوجو..

رجعت XDDD lol
.
ها بينتحر زاتو منا اليوم
.
...............

1. ليش سميت روحك زاتو ؟ وليش ورا زاتو رقم واحد ؟ >> شو هالسؤال ^^"
.........
2. مين أكثر من تحب متابعة رسومه في النادي؟
.........
3. مين هم رساميك المفضلين ؟
.........
4. قلت أنك تحب الموسيقى لكلاسيكية وتحب تسمع لبيتهوفن وموزارت ومدري من _ _" .. المهم عدد اللي تحب تسمع لهم وشو أكثر معزوفة عجبتك لهم ؟!
.
تحاياي

السلام عليكم ورحمة الله وبركاته

احم زاتو بتشوف الشر الحين U_u
الاسئلة شوي سخيفة فتحمل Xd

1) اذا كنت شربت الفيتامين سي فكيف طعمه بالنسبة لك حلو او مر وتكرهه؟؟
2) لو رحت الحديقة وفجئة جاء ولد صغير وطيح الايس كريم عليك فكيف تكون ردة فعلك؟؟
3)يوم تمشي في المول وشفت الناس متجمعين على شي وانت تبغي تشوفه بس الحشد كبير فهل ستنتظر لترى هذا الشي؟؟
4)اذا شفت شي عجبك في السوق وتبغي تشتريه ومعاك فلوس جمعتها حق شي ثاني فماذا تشتري اللي عجبك او اللي ادخرتله الفلوس؟؟
5) اذا جمعت فلوس عشان تشتري شي كنت تنتظره من زمان ويوم سرت السوق شفت انه البضاعة اختفت فكيف تكون ردة فعلك؟؟

*تختفي*

بسم الله الرحمن الرحيم
يسلمو كات
انا عندى سؤال واحد بس ماهو هدفك فى الحياه ؟؟الانتقاد او الاستفزاز او.....هههههههههههههه

امسينا وامسى الملك لله .. من الصدمه لكل هالاسئله رحت ادور على نوت باد إلا احصل عمري رايح ادق شت داون اه هاهاهاها

بسم الله الرحمن الرحيم نبدا

سنيوريتا فاتن

اول سؤال استعد احم احم
ابتسامتك فريده من نوعها انت اخترعتها وايش قصتها ؟؟

ضحكتي احليلي واحليلها يت بعد ما تأثرت بشخصيات الانمي الشريره ووايد كانت تعيبني هالابتسامه او الضحكه واكثر واحد لاحضت عليه حلاوة هالضحكه كانت شخصيتي المفضله في لعبة غلتي غير زاتو1

2- ليه ماتدخل شات المنتدى؟؟

بصراحه ما افضى للشات لأنه اول احاول اخلص شغل الورشه وورشة المانجاكا كلها رسم في رسم يعني شغل طويل ولو خلصت بسير قسم المانجاكا عشان اراقبه واشوف اليديد واتابع وهكذا .. فإذا حصلت وقت بعد كل هذا بسير اشوف قسم دروس الغرافيكس واحاوط في الاقسام الثانيه لعل وعسى نحصل شي مفيد وهاللفه عاد ما تستوي إلا نادرا ً .. لاني بعد اشوف مواقع ثانيه .. وافتح مسنجر

3-اكثر عضو تعجبك شخصيته با المنتدى؟؟

والله ما فكرت قبل بهالطريقه لكن اذا تبين الصدق فأنا انسان فيه جنون الأنا لذلك اكثر عضو تعجبني شخصيته هو زاتوا اه هاهاهاها .. لكن احترم الكل هني والكل اخواني

4-حكمتك با النت؟؟

حكمتي في النت او في اي مكان ( هو بصراحه في وايد لكن الافضل هي ) لا مستحيل



سنيوريتا سيلين

شو رايك بسيلين .؟ .. شو أكثر شي يزعجك بـ سيلين ؟ .. شو أكثر موقف مضحك صار لك مع سيلين ؟ .. شو أكثر موقف محزن صار لك مع سيلين .. ؟ .. شو أكثر شي صدمك من سيلين .. ؟ .. شو أكثر شي يعجبك في سيلين ..؟.. شو الشي اللي تتمناه يتغير في سيلين ..؟ شو الشي اللي ماتبيه يتغير في سيلين ..؟ .. ليش سيلين دوم تسأل عن سيلين ..؟ >> Lol Xdd

رايي بسيلين هو انها اخت كغيرها من الاعضاء فيها شي من التميز لكن ربما محد يقدره غريبة الاطوار احيانا ً
ما اعرف بالضبط شو اكثر شي يعيبني فيج بس يمكن استهبالج علي ..اه هاهاها اكثر موقف يضحك معاج اللي سواه هكرز وتايروس اكيد تحيدينه .. ماصار لي موقف محزن معاج .. ولاشي صدمني فيج لأني في العادة اتوقع اي شي من اي حد لكن فعليا ً ما جد سويتي شي يصدم .. ما يزعجني شي فيج .. اللي اتمناه يتغير فيج يمكن حساسيتج الزايده من الناس المفروض تحاولين تقوين قلبج اكثر وما تهتمين للسوونه الناس من حواليج .. اللي ما اباه يتغير فيج طيبتج .. ليش دوم تسئلين عن عمرج لأن زاتو عداج بجنون الأنا اه هاهاهاها


1. أنت عضو نادر وشخصيتك نادرة و حلوة .. وها اللي يخليك أحد شخصيات سيلين المفضلة بل ومن الأفضل من المفضلة لذيها .. فما شعورك وتعليلك وبرايك شو اللي خلى سيلين تخليك أحد أفضل الأفاضل عندها؟! >> لوول

السبب يكمن في ان لي كاريزما خاصه ممكن تأثر على اللي حولي ( الله اكبر عليك خقاق بعنف اه هاهاهاها ) ما اعرف والله ليش بس يمكن لأني مميز وربي خلقني جي

2. قلت لي أفضل لون لك وعشقك وروحك وقلبك وفداك اللون الأسود .. ليش ؟!!

لأني اعتبره اللون اللي يعبر عني ولأنه لون قوي وسيد الألوان وله ثقله واعتبره لون الرزانه والرسميه والثقه وهو احد الاشياء اللي تملأني بالثقه والحزم والقوه وفعلا ً اعتبره جزء من شخصيتي

3. لو طلب منك أن تعمل موضوع مشترك مع أحد الكتاب في النادي .. من تختار ؟! وليش !!

والله انا مستعد اعمل معاي عضو لكن بشرط انه يكون جاد بالشكل الكافي ليتعاون معاي ويقدر العمل اللي يقوم به وما يتباطئ او يتخاذل او يتكاسل




هلا سنيوريتا توغو وعليكم السلام ورحمة الله وبركاته
الله يحييج

عاد ما قلنا لج الحقي علينا عسب تزيدين الطين بلّه اه هاهاها

1) شو هي النوعيه المفضله لك من الشخصيات في الانمي ؟؟ من ناحية اشكالهم وشخصيتهم ؟؟

الأشكال احب اللي شكلهم وسيم اكانت الوسامه الحادة او الوسامة القويه الرجوليه
الشخصيات عادة احب الانسان الحقير الشرير والبارد اللماح اللي له تأثير على غيره من شخصيات القصة مثل جون سيلفر
او البطل الهادي برزانه وعقليه مثل آثوس من الفرسان الثلاثه


2) متى قمت بتأليف شخصية "فارس العرب" ؟ وهل فكرت بالقصة وبالشخصيات الثانويه ولا مافي تطور !؟

فارس العرب يا سنيوريتا الفته من 3 سنوات او سنتين ونص تقريبا ً القصه فكرت فيها شويه عقب هديتها .. مافيني اجازف بشخصية حلوه وارميهافي قصه عبيطه فكرت في الشخصيات الثانويه وحطيت في عقلي القصه الاساسيه لكن ما تفرعت اكثر

3) ماهي أكثر الأمور التي تزعجك في المنتدى بشكل عام ؟

شي واحد يزعجني وهو انه يعلق وااااااااااايد وياي وويا الكل على ما اظن واحيانا ً التطويرات اليديده يكون وراها عفسه شرات المره الأخيره


لا اسئلتج خفيفه وظريفه .. مشكوره
وعليكم السلام



هلا سنيوريتا جوجومتشا
زين انج ما كملتيها

1_ منذ تسجيلك بالمنتدى..هل كان هناك طموح ..كنت تريد أن تصل إليه..وعندم ترى مبتدئين في الرسم هل تتحمس

انك تتابع باقي رسومهم وتشهد تطورهم ..؟؟ <<وش طول السؤال.*+*"

اول ما سجلت في المنتدى ما كان عندي طموح بشي غير اني ايي اظارب الكل مثل ما كنت اسوي في المنتديات اللي قبل .. يعني كنت اتخيل ان المنتديات كلها حوارات وخرابيط لذلك كنت دايما ً الشخصية العدائية اللي ما تمر على موضوع الا وتضاربت ويا الدنيا كلها فإما ان العضو اللي اضارب وياه يشرد من المنتدى او اني آخذ لي ايقاف كمن يوم وارد على حالتي لين ما مليت من كذا منتدى وييت على هذا .. لكن يبدو ان الوضع تغير هني لني شفت قسم يناسبني ويوجه طاقاتي العدائية ويخليها ايجابيه .. بخصوص المبتدئين في الرسم احب اتابع لهم كمن عمل عشان تتوضح صورتهم في بالي بس مب كل المبتدئين اتحمس لمتابعة تطورهم افضل اللي يكون مستواهم لا باس به وفي كل مره يكون في تطور فعلي وملموس



2_ يمر المنتدى بتطورات كثير..وش أكثر..ستايل أعجبك..؟؟

هذا الاستايل لانها بالاسود ومال رمضان ز اكره استايل بليتش لأنهكان فاتح وايد ويعور العيون وحبيت استايل القطاوه مال وندرر

3_ مارأيك برسوماتي..<<من زين رسمك..خخخ.؟؟

بعيدا ً عن المجامله مستواج اقل من الجيد لكن اتمنى انج تتطورين وآمل فيج هالشي

ترا تم القبض علي من دخلت هني اه هااهاها




هلا سيلين
تفضلي خذي راحتج ( انا من اتى بالدب إلى كرمه )


1. ليش سميت روحك زاتو ؟ وليش ورا زاتو رقم واحد ؟ >> شو هالسؤال ^^"

سميت نفسي زاتو1 نسبة لشخصيتي المفضلة في لعبة غلتي غير وفي اسمه رقم واحد .. انما ليش اسمه جي .. هو نسبة إلى الاسطورة اليابانية اللي تحكي قصة مقاتل بارع كان اعمى وزاتو تعني اعمى وواحد لأنه كان الأول في القتال على الرغمن من عماه يعني اسمه يعني الأعمى الأول

2. مين أكثر من تحب متابعة رسومه في النادي؟

عادة احب اتابع رسومات توغوموري وشوه وفينيكس اذا حطت واي واحد رسمه حلو انا مستعد اتابع رسوماته .. وقبل مده ليست بالقصيره كانت الفنانه ليليمون تعرض رسوماتها فكنت اتابعها اول بأول


3. مين هم رساميك المفضلين ؟

المفضلين من العرب هم ركس وهانتر غون وديجم ( مب ديجام اللي هني ) وبالنسبة للمانجاكا اليابانيين احب دايسوكا اشيواتاري ولو ان رسماته احيانا ً ما تعيبني وكينغ غونتا وما اذكر الحين منو بعد
انما عن فناني عصر النهضه فليوناردو دافنشي ورافاييل ودوناتيلو ومايكل انجلو ( مب جنهم السلاحف النينجا اه هاها ) وفان جوخ

4. قلت أنك تحب الموسيقى لكلاسيكية وتحب تسمع لبيتهوفن وموزارت ومدري من _ _" .. المهم عدد اللي تحب تسمع لهم وشو أكثر معزوفة عجبتك لهم ؟!
.
مثل ما قلتي بتهوفن وموزارت ويانكوفيسكي واحب اسمع الأوبرا الرجاليه لبافاروتي واي شي كلاسيكي بلحن عذب وجميل
احب من اجل ميولدي لبتهوفن وضوء القمر لموزارت واغاني البالية ليانكوفيسكي مثل باليه بحيرة البجع وكسارة البندق

الله يحييج


وعليكم السلام ورحمة الله وبركاته سنيوريتا محبة ساسكي
اشوف الشر ليش انا شو سويت لج ؟؟ ما اعرفج حتى عشان تكرهيني اه هاهاها


1) اذا كنت شربت الفيتامين سي فكيف طعمه بالنسبة لك حلو او مر وتكرهه؟؟

لا حلو واحبه وايد لأني اصلا ً احب البرتقال واحب الفيتامين ماله


2) لو رحت الحديقة وفجئة جاء ولد صغير وطيح الايس كريم عليك فكيف تكون ردة فعلك؟؟

والله يا بنتي ما بسوي شي بطلع منديل وبمسح لا اقل ولا اكثر وممكن اذا الولد صاح عشان ايس كريمه وكسر خاطري ممكن اشتري له بداله

3)يوم تمشي في المول وشفت الناس متجمعين على شي وانت تبغي تشوفه بس الحشد كبير فهل ستنتظر لترى هذا الشي؟؟

لا ما بنتظر طبعا ً وخاصة اني مب فضولي لهالدرجه


4)اذا شفت شي عجبك في السوق وتبغي تشتريه ومعاك فلوس جمعتها حق شي ثاني فماذا تشتري اللي عجبك او اللي ادخرتله الفلوس؟؟

اذا كان اللي عيبني احسن من اللي كنت بشتريه بشتري اللي عيبني بس اذا اللي يمعت عشانه احسن ما بشتري اللي عيبني .. يعني على حسب الأهميه

5) اذا جمعت فلوس عشان تشتري شي كنت تنتظره من زمان ويوم سرت السوق شفت انه البضاعة اختفت فكيف تكون ردة فعلك؟؟

اه هاهاهاها جنج تعرفين ان هالشي استوى لي كنت طالب تابلت من كنوز الشرق واونهم طلبوه لي وقالوا عقب شهرين دق علينا جان ادق عليهم عقب شهرين من الطلب فقالوا لي ان التابلت خلص .. ردة فعلي كانت بسيطه وهي اني طلبت واحد ثاني وزدت عليه بمانجا ولين الحين ما وصلوا اه هاهاهاها

مشكوره والله اسئلتج وايد عيبتني



هلا سنيوريتا جيلستن


انا عندى سؤال واحد بس ماهو هدفك فى الحياه ؟؟الانتقاد او الاستفزاز او.....هههههههههههههه


هدفي في الحياة لاهو الانتقاد ولا هو الاستفزاز ولو ان الاثنين حلوين اه هاهاها

هدفي في الحياه اكبر بكثير من هالشيئين الصغيرين .. و هو اني اكون اول مانجاكا عربي واني اسوي انمي ومانجا للعرب


مشكورين على الاسئلة واسمحوا لي تأخرت عليكم بس شنسوي الظروف منعتني