كيفية الترجمه عن طريق برنامج Dst_81 وأضمن لكم السهوله المطلقه

السلام عليكم ورحمة الله وبركاته
طبعا الكل سأل عن كيفية الترجمه وعن طريقة ترجمة إنمي من غير ملف ترجمه
وها أنا أعرض عليكم البرنامج اللي أترجم فيه
والصراحه أشوفه أسهل برنامج ترجمه
مع إحترامي الشديد لأي برنامج ثاني
المهم
هذي صورة البرنامج


للتحميل
بسم الله الرحمن الرحيم
نبتدي الشرح


من اليسار إلى اليمين
أول صورة لإختيار الحلقه
وثاني صورة لإختيار ملف الترجمه إذا كان عندكم ملف مسبق أو إذا كنتوا مترجمين من الحلقه جزء

طريقة الترجمه
طبعا الصورة من اليسار تعرفونها وواضحه
وتشبه الفيديو يعني اللي يعرض واللي يوقف العرض واللي يعيد واللي يجدم

الحين نبتدي العرض
نبتدي بعرض الحلقه بالضغط على العرض
المهم الحين الحلقه شغاله
في اللحظه اللي تبون ادخلون الترجمه تضغطون على
Ctrl + Ins وعلى طول بيطلع لكم سطر للترجمه وبنفس الوقت اللي ضغطتوا فيه
شوفوا الصورة

وبيكون الوقت جاهز تقريبا كما في الصورة
يعني مجرد إنكم تضغطون على كنترول وانسيرت بيكون الوقت جاهز وبييله شوية تعديل
المهم الحين تكتبون الجمله اللي تبغونها
والحين تضغطون على زر الرجوع فوق (( يعني اللي يعيد المشهد))
وتشوفون الجمله اللي كتبتوها طلعت في نفس الوقت اللي إنتوا تبونه
ولا لا
إذا لا
تضغطون على وقت ظهور الترجمه اللي على اليسار (( يعني أول وقت))
واتعدلونه يعني إذا بغيتوا الترجمه اللي أضفتوها تطلع قبل تنقصون من الوقت
وإذا بغيتوها تطلع عقب لازم أتأخرون الوقت

وهكذا إلا أن تترجمون الحلقه كامله

ونسيت أقول لكم إنه F2 للعرض
F3 لتوقيف العرض


والسموحه على الشرح لأني أول مرة أشرح برنامج
وإذا في شي ناقص أنا حاضر

والبنامج سهل وايد
وتقدرون تتعلمون عليه بروحكم لأنه بصراحه سهل وايد
ووايد عاجبني
ونسيت أقول لكم عن التخزين
يعني لين بتخزنون ملف الترجمه
خزنوه على صيغة srt
وما في إلا صيغتين وحده txt والثانيه srt
إنتوا إختاروا الثانيه

والبرنامج في المرفقات



وسااااااااااااامحوني على الشرح التعبان
وأنا حاضر لأي سؤال




شووووووووووووووووووووووووووووووووووووووووكرن